Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Romans 7-9  
View Full Reading Plan

Live Chat

No users online

Evangelical Lutheran Church of Papua New Guinea
Ron na wok bilong sios i mas igo strong long bringim senis insait long kantri PDF Print E-mail
Written by Warime Guti   
Sunday, 11 January 2009 00:00

By Xavier Winia

Dispela em i namba wan hap tok Kinot spika bilong bung na Praim Minista bilong Papua Niugini Rt Honourable Grand Sif Se Michael Thomas Somare i mekim long ol manmeri namba olsem 5,000 na moa long taim bilong opim namba 27th Synod bilong Evenjelikol Luteran Sios bilong Papua Niugini (ELC-PNG) long Sande namba 10th de bilong mun Jenueri 2010. As tingting bilong dispela tok em kantri i bungim planti heve na sosol problem i wok long kamap strong insait long kantri bilong PNG we gavman luksave olsem sios tasol inap long kirapim gutpela pasin bilong wanbel na wokbung insait long ol pipol long ples level we han bilong gavman ino inap igo insait. Em i mekim tok tu long sios imas nau lukluk long wok bung (Partenship) wantaim gavman bilong wanem Somare-Temu gavman i nau lukluk long wok klostu wantaim praivet sekta aninit long State-Church Patnasip program bilong gavman bilong em.

Comments (0)
Read more...
 
Sangang na Deka Seket I lukautim Imanuel na Kainantu PDF Print E-mail
User Rating: / 23
PoorBest 
Written by Warime Guti   
Tuesday, 12 January 2010 00:00

By Etrisen Bameng (UPNG) & Savina Justine (Unitech)

Ol manmeri bilong Sangang na Deka seket insait long Yabim Distrik i lukautim ol delegets i kam long Kainantu na Emmanuel Distrik. Taim ol i wok long kuk i stap, PMV i karim sampela moa manmeri na kaikai i go insait long skul. Igat 120pela manmeri husait ol i bin makim lo lukautim ol delegets long kaikai. Tasol i gat arapela manmeri husait i laik soim sapot bilong ol tu stap namel long dispel lain bilong kuk. Max Wabbie bilong Sangang paris i lukautim ol lain husait bai was long paia na haus kuk. Namba bilong delegets i kamap olsem 630.

Insait long Sangang Distrik i gat 5pela paris. Ol manmeri bilong dispela seket na Deka seket i kam wantaim 36pela pik na ol i pulapim wanpela bigpela haus kuk wantaim banana (marafuri). Long wanwan de bai ol i kilim 3pela pik bilong kuk long lans na apinun long delegets ol i lukautim. Long moning ol delegets bilong ol i kaikai skon na bred wantaim sampela kaikai bilong gaden.

Helt inspekta Mr McNiel blong Resurrection Paris tu i go kamap na lukluk long kaikai samting bilong ol. Na tu em i givim sampela tok lukaut long abrusim sik kolera na pekpek wara.

Comments (0)
 
Opening Seremonni bilong namba 27 Sinot PDF Print E-mail
Written by Warime Guti   
Sunday, 11 April 2010 00:00

By Jackson Merpe (UPNG) & Savina Justin (Unitech)

Opening seremoni bilong namba 27th Synod bilong Evenjelikol Luteren Sios bilong Papua New Guinea (ELC-PNG), i bin kamap insait long Sir Ignatius Kilage Stdium long Sande namba 10 dei bilong mun Januari 2010. Dispela em i wanpela bikpela bung bilong ELC-PNG we i save kamap bihain long olgeta 2-pela yia na insait long dispela bung (sinot) em olgeta 17-pela distrik bilong ELC-PNG i save kam bung long toktok long hevi, wok na ron bilong sios. Wanwan distrik i kam wantaim 30-pela deleget na 20-pela obsevas. Long 8kilok long moning olgeta deleget, obsevas na manmeri i bung long Se Ignatius Kilage stedium. Olgeta deleget wantaim ol opisol i sanap sambai long Pistol klab wetim ol singsing grup long lidim ol igo insait long stedium na bihain— long dispela 4-pela singsing grup i lidim ol manmeri igo insait long opening bilong Sinot. Bihain long ol manmeri igo insait na kisim sit, long 10:30 am long moning Praim Minista Se Michael Somare wantaim ol Opisols bilong em i kamap long stedium. Ino bin igat kilaut na ren na program i ron gut igo inap pinis stret long 3-kilok long apinun. Namba bilong ol manmeri kamap long dispela i sanap olsem 5,000 na moa. Maski san em i hot tasol ol manmeri ino lusim ples igo inap program i pinis stret. Na tu dispela dei em i kamap wantaim ol kainkain singsing grup, ol tambarin, girls brigade na ol trampet grup ministry kam yet long Raipinka long Kainantu.

Comments (0)
 
Namba 27 Sinot haus PDF Print E-mail
Written by Warime Guti   
Friday, 09 January 2009 00:00

By Alex Masa (UPNG)

Dispela haus bilong sinot em i wanpela kain haus ol pipol bilong Bukawa (Ples Buigim) i bin wokim long soim history bilong Lutren sios insait long Papua Niu Gini. David Ngawi, Man husat igo pas long wokim wanpela hap bilong dispela haus i tok olsem dispela haus i makim piksa bilong sip long wanem taim gutnius ikam long ol manmeri, ol ibin usim sip na kanu long bringim gutnius igo long ol arapela manmeri istap long nambis na ol arapela ailan. Na long -dispela rot tasol ol manmeri i kisim gutnius. Dispela haus igat tupela hap tasol ol i save bungim long mekim i kamap wanpela haus. Wanpela hap bilong dispela haus em bilong givim administrasen long nupela Bishop na Sinot long nupela host. Dispela bai kamap behain long Sinot i makim nupela Bishop bilong sios na givim Sinot igo long narapela distrik. Mr Ngawi i tok, ol bai go antap long het bilong dispela haus na givim tupela Palang long makim dispela nupela wok bilong administrasen na sinot. Antap long dispela, Mr. Ngawi itok olsem as bilong wokim haus bilong Sinot long pasin bilong peles i bihainim maus bilong late Bishop Rev. Dr Wesley Kigasung long taim Yabim Distrik i bin kisim Sinot. Em I bin tok olsem yumi ol Yabim Distrik imas mekim Sinot ikamap long pasin bilong yumi yet.


Comments (0)
Last Updated on Thursday, 15 April 2010 04:41
 
Ples silip bilong ol visiting distrik long sinot taim PDF Print E-mail
Written by Warime Guti   
Sunday, 11 January 2009 00:00

1 Jabem - Malahang Teknikol Hai

2 Kote - Matin Luta Semineri

3 Ukata - Balob Tisa Koles

4 Siassi - Busu Sekonderi

5 Madang - Balob Tisa Koles

6 Karkar - Matin Luta Semineri

7 Mumeng - Matin Luta Semineri

8 NGI - Balob Tisa Koles

9 Papua - Balob Tisa Koles

10 Simbu - Balob Tisa Koles

11 Is Simbu - Matin Luta Semineri

12 Kainantu - Malahang Teknikol Hai

14 Jiwaka - Balob Tisa Koles

15 Hagen - Balob Tisa Koles

16 Immanuel - Malahang Teknikol

17 Boana - Balob Tisa Koles

Comments (0)
 
«StartPrev12345678910NextEnd»

Page 9 of 12

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2017 Evangelical Lutheran Church of Papua New Guinea. All Rights Reserved.
               Powered By: Joomla!