Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Isaiah 16-18  
View Full Reading Plan

Live Chat

No users online

Evangelical Lutheran Church of Papua New Guinea
People With Disability (PWD) workshop, 2011 PDF Print E-mail
User Rating: / 26
PoorBest 
Written by Jacob Barka   
Thursday, 14 April 2011 03:00

Luteran Sios i holim nambawan woksop bilong tokaut na tok klia long wok bilong wok wantaim ol manmeri pikinini husat igat hevi long bodi bilong ol (People with disability—PWD). Woksop ikamap long dei 14 igo 18 bilong mun March. Wok wantaim PWD em ino nupela kain wok insait long Luteran Sios. Dispela wok ibin kamap pinis insait long sios bipo. Tasol sios ino bin lukluk moa long en na wok ibin slip istap. Nau Sios i laik lukluk long en gen, long wanem, insait long nupela wakabaut i bihainim tingting driman bilong sios (Visen 2020), sios i luk save olsem insait long family ino ol gutpela manmeri pikinini tasol istap. I gat sampela memba bilong family husat igat hevi long bodi bilong ol tu i stap. Olsem  na long inapim tingting driman bilong en, sios i mas lukluk long olgeta rot bilong helpim strongim  haushold (family). Long dispela as sios i laik kirapim na strongim tu dispela wok bilong wok wantaim PWD na mekim dispela wok ikamap wanpela bilong ol programs bilong sios.

Dispela woksop em i kamap bilong tok aut na tok klia long ol lida bilong sios bilong yumi, ELCPNG, olsem dispela wok igat bikpela nid istap insait long sios bilong yumi. Sios imas lukluk long en na kirapim gen na strongim dispela wok na mekim em kamap wanpela bilong ol programs insait long sios.

Comments (0)
Last Updated on Thursday, 14 April 2011 06:14
Read more...
 
Luteran laip kea woksop—ampo, 2011 PDF Print E-mail
User Rating: / 12
PoorBest 
Written by Jacob Barka   
Thursday, 14 April 2011 02:57

Luteran Laip Kea i holim 5-pela de bunglong Ampo long de 21 igo 25 bilong mun March long dispela yia 2011. Dispela bung em woksop bilong 17-pela distrik HIV/AIDS Program Kodineta. As tingting bilong dispela woksop em bilong bungim ol distrik kodineta na sherim sampela tingting na expiriens, lainim long arapela narapela, givim infomesen na apdet  bilong statistics. Na tu em bilong helpim na strongim ol bai ol iken plen na kodinetim wok bilong HIV/AIDS program long distrik bilong ol long daunim dispela sik nogut. Dispela woksop em I save kamap wanpela taim long wanpela yia. Long dispela bung tu ol I lainim long pasin bilong wok bung wantaim ol arapela lain husta ino bilong sios oganaisesen na kamapim gutpela woking rilesensip wantaim olgeta arapela institusens an oganaisesen kain olsem gavaman, CBOs, na arapela sios patna. Luteran Laip Kea I kisim pinis dispela 2-pela bikpela praioriti eria bilong wok bilong HIV/AIDS;
Edukesen na Privensen Kaunseling, Kea, na Sapot, dispela tu em I wanpela priority eria bilong  Nesinol AIDS Kaunsol, 2011-2015.Olsem na kain wok olsem kapasiti bilding (trening), HIV/AIDS awenes, fokas bilong en bai istap long dispela 2-pela bikpela praioriti eria.

Comments (0)
Last Updated on Thursday, 14 April 2011 06:11
 
Lae Polytech tisa na sumatin lotu ikamap strong gen PDF Print E-mail
User Rating: / 20
PoorBest 
Written by Jacob Barka   
Thursday, 14 April 2011 02:55

Woklotu bilong Luteran Sumatin wantaim ol Tisa family bilong ol long Polytech Institute long Lae em i nupela samting insait long dispela skul. Bipo ol Luteran Sumatin na ol Tisa long dispela skul ino save bung lotu wantaim insait long skul. Skul administresen i givim bikpela sapot na luksave long dispela grup na enkaretsim ol long strongim wok lotu insait long skul.

Mrs. Peke em istap olsem wasmama (Matron) bilong dispela felosip grup. Em itok olsem em I hamamas tru long kamap hap bilong dispela Felosip long skul. Dispela kain bung lotu ibin kamap long 1998 bipo tasol ino longtaim bihain  ibin stop long wanem ol liklik lain sumatin tasol ibin istap long dispela grup. Insait long 3-pela yia olgeta ino bin igat dispela kain felosip gen. Long last yia, 2010 dispela felosip ikirap gen na ikam inap nau em i kamap bikpela na strong long wanem nai igat planti sumatin na ol tisa wantaim ol family bilong ol tu istap insait long dispela felosip grup. Ol isave bung lotu wantaim ol arapela institusen olsem Unitech, Balob, Martin Luther Semineri, na Bumayong Lutheran Secondary skul.

Mr. Tony Pale (LSF President) i tok olsem dispela kain wok em i nambawan taim na i narakain (first of its kind) insait long dispela skul.  Wantaim luksave bilong skul administresen dispela felosip i mekim pinis bikpela wok bilong strongim bilip bilong ol sumatin na ol tisa wantaim family bilong ol insait long skul. Ol ibin holim nambawan Thanksgiving De bilong ol long Sande, de 20 bilong mun March, 2011 long skul basket ball court. Dispela grup felosip igat bikpela tingting long wok strong long strongim bilip na helpim ol sumatin na ol tisa wantaim ol family bilong ol long kamap gutpela na strongpela Kristen manmeri insait long skul. Na taim ol lusim skul na igo ol bai istap strongpela Kristen memba bilong dispela sios.

Comments (0)
Last Updated on Thursday, 14 April 2011 06:58
 
ELCPNG meri igat tingting long kamapim nupela piksa bilong wakabaut PDF Print E-mail
User Rating: / 12
PoorBest 
Written by Jacob Barka   
Thursday, 14 April 2011 02:53

Long wankain taim Yut Divisen ibin bung, Meri Divisen tu ibin holim wanpela bikpela bung bilong ol tu long Lae. Olgeta Distrik Hetmeri ibin kamap long dispela bung long lukluk long dispela nupela piksa bilong wakabaut bilong ol. Dispela nupela bikpela piksa bilong wakabaut em igat dispela nem “Luteran Meri Federesen”. Insait long bung sampela het meri i soim tubel bilong ol long dispela nem na straksa wantaim het tok. Mrs. Epe Naremente bilong Ukata i soim tingting olsem het tok i mas sut long “Wok Helpim” insait long tok bilong God.

Sia Ledi, Mrs. Fungke Samana, i kliaim tok bilong nem “Luteran Meri Federesen” olsem; bungim olgeta nem insait long ELCPNG Meri grup kain olsem “Yaungoka” bilong Kote, “Gejamsau” bilong Jabem, na “Dignafain” bilong Madang, long representim ELCPNG meri long outsait long soim Identity. Em tok tu olsem Goal bilong dispela tingting bilong nupela piksa bilong wakabaut em igo wantaim bikpela tingting driman bilong sios bilong yumi (Visen 2020). Tasol sampela hetmeri i tubel yet long dispela nem, long wanem, pasin na rot bilong wok bai igat hevi. General Sios Sekreteri, Mr. Albert Tokave wantaim Dipatmen Sekreteri bilong Gutnius Dipatmen, Rev. Binora Yunarec ibin bung wantaim ol dispela lida meri bihain long bung bilong ol na givim sampela bikpela toktok pinis long ol dispela lida meri. Depatment Sekreteri bai bringim dispela tok igo long June Sios Kaunsol long lukluk na skelim na givim stia.

Comments (0)
Last Updated on Thursday, 14 April 2011 06:03
 
Wokmisin long Bougainville PDF Print E-mail
User Rating: / 13
PoorBest 
Written by Jacob Barka   
Thursday, 14 April 2011 02:51

Dispela tok ikam long ripot bilong Rev. Timothy Luke, man igo pas long Misin na Saplim Divisen long Hetkota long Ampo. Em ibin igo long Bougainville long painim aut hamas Luteran manmeri pikinini istap yet long Bougainville, bihain long hevi ipinis na tu inap long kirapim Lotu Luteran gen o nogat.

Rev. Timothy Luke ibin go nambawan taim long 1989 na nambatu taim long 1991 olsem Defens Fos saplin long taim bilong hevi na em luksave long ples ol lain bilong yumi Luteran istap.  Long 1998 em wantaim late Bishop Dr. W. Kigasung igo holim wanpela  “REKONSILIESIN SEMINAR” long Arawa we ol bungim ol man meri bilong olgeta lotu na toktok long kamapim wanbel gen.

Long wakabaut bilong Rev. Timothy Luke, em ibin bung wantaim na toktok wantaim ol het bilong sios long Bougainville. Bishop Rev. Timhata na ol officials i tok olsem ol i hamamas tru olsem yumi Luteran no lusim ting long ol na dispela visit bilong Rev. Luke i bikpela samting tru long ol. Em hamamas olsem yumi Luteran igat interest yet long wok sios long Bougainville.  Rev. Luke i tokim Bishop Timhata olsem em i kam kisim pes bilong ELC-PNG na tu olsem Mission Desk wokman long visit wankain olsem em save mekim wantaim arapela hap bilong PNG.  Em kam long luksave na tu long yumi ken wanbel wantaim long strongim wok sios insait long Bougainville.

Comments (0)
Last Updated on Thursday, 14 April 2011 06:01
Read more...
 
«StartPrev12345678910NextEnd»

Page 3 of 12

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2017 Evangelical Lutheran Church of Papua New Guinea. All Rights Reserved.
               Powered By: Joomla!