Home News Updates
Error
  • Error loading feed data.
  • Error loading feed data.
Browse this website in:

Daily Bible Reading

Today's reading is from:
  • Amos 1-3  
View Full Reading Plan

Live Chat

No users online

People With Disability (PWD) workshop, 2011 PDF Print E-mail
User Rating: / 27
PoorBest 
Written by Jacob Barka   
Thursday, 14 April 2011 03:00

Luteran Sios i holim nambawan woksop bilong tokaut na tok klia long wok bilong wok wantaim ol manmeri pikinini husat igat hevi long bodi bilong ol (People with disability—PWD). Woksop ikamap long dei 14 igo 18 bilong mun March. Wok wantaim PWD em ino nupela kain wok insait long Luteran Sios. Dispela wok ibin kamap pinis insait long sios bipo. Tasol sios ino bin lukluk moa long en na wok ibin slip istap. Nau Sios i laik lukluk long en gen, long wanem, insait long nupela wakabaut i bihainim tingting driman bilong sios (Visen 2020), sios i luk save olsem insait long family ino ol gutpela manmeri pikinini tasol istap. I gat sampela memba bilong family husat igat hevi long bodi bilong ol tu i stap. Olsem  na long inapim tingting driman bilong en, sios i mas lukluk long olgeta rot bilong helpim strongim  haushold (family). Long dispela as sios i laik kirapim na strongim tu dispela wok bilong wok wantaim PWD na mekim dispela wok ikamap wanpela bilong ol programs bilong sios.

Dispela woksop em i kamap bilong tok aut na tok klia long ol lida bilong sios bilong yumi, ELCPNG, olsem dispela wok igat bikpela nid istap insait long sios bilong yumi. Sios imas lukluk long en na kirapim gen na strongim dispela wok na mekim em kamap wanpela bilong ol programs insait long sios.

Long opening toktok bilong Assisting Bishop, Rt. Rev. Zau Rapa, em itok aut olsem em i kirap nogut long harim toksave bilong dispela woksop. Long wanem, dispela wok em i wanpela bikpela wok sios inap lukluk long en pinis. Sios nau igat 125 yia bilong en na dispela kain wok sios ino bin lukluk long en. Em i salensim husat manmeri ibin kamap long woksop olsem dispela woksop iken painim aut gut sios ibin igat dispela kain wok o nogat. Sapos ibin igat bilong wanem na ibin pundaun. Na painim rot long dispela wok iken kamap insait long sios na mekim em kamap ples klia na noken larim em dai gen. Wanem program istap pinis, kain olsem sande skul na yut na mama, sios i mekim kamap pinis na istap pinis long kongregesen ino ken istap yet long nesinol opis. Dispela kain program iken larim igo daun long distrik na seket long lukautim na nesisol opis iken kamap olsem kodineting bodi tasol long lukluk long wok kamap bilong en. Dispela kain nupela wok em sios imas lukluk long en na siries tru long kirapim na strongim insait long laip bilong sios olgeta. Long wanem dispela kain wok em ino wok bilong kirapim na bihain lusim igo. Nogat. Dispela wok em i laip taim wok bilong sios.

Sr. Sarah Warra, i mekim sampela bikpela toktok long presentesen bilong en tu long nambawan hap bilong woksop. Em itoktok long Public Health long lukluk bilong Sios. Na em salensim olgeta lida manmeri bilong sios husat ibin istap long woksop. Em tok, planti taim yumi save tingting na lukluk long ol manmeri pikinini husat i orait long olgeta hap bilong bodi bilong ol na i save lusim tingting long ol manmeri pikinini husat igat hevi long bodi bilong ol, dispela lain husat istap memba bilong sios bilong yumi. Sios igat wanem tok long dispela na em igat wanem kain rot long helpim dispela kain manmeri pikinini insait long dispela nupela tingting driman (Visen 2020) bilong en. I nogat luksave bilong yumi long ol PWD (ignorance) em i bikpela problem ino insait long sios blong yumi tasol, nogat. Em i problem bilong olgeta hap bilong graun long gavaman na sios wantaim. Long helpim sios long lukluk gen na kirapim na strongim dispela wok, dispela woksop igat wok long kamapim tok klia pepa na soim tingting bilong dispela wok na Dipatmen sekreteri bilong Evangelism bai presentim long June Sios Kaunsol.

Wok lotu bilong Luteran Sumatin wantaim ol Tisa family bilong ol long Polytech Institute long Lae em i nupela samting insait long dispela skul. Bipo ol Luteran Sumatin na ol Tisa long dispela skul ino save bung lotu wantaim insait long skul. Skul administresen i givim bikpela sapot na luksave long dispela grup na enkaretsim ol long strongim wok lotu insait long skul.

Mrs. Peke em istap olsem wasmama (Matron) bilong dispela felosip grup. Em itok olsem em I hamamas tru long kamap hap bilong dispela Felosip long skul. Dispela kain bung lotu ibin kamap long 1998 bipo tasol ino longtaim bihain  ibin stop long wanem ol liklik lain sumatin tasol ibin istap long dispela grup. Insait long 3-pela yia olgeta ino bin igat dispela kain felosip gen. Long last yia, 2010 dispela felosip ikirap gen na ikam inap nau em i kamap bikpela na strong long wanem nai igat planti sumatin na ol tisa wantaim ol family bilong ol tu istap insait long dispela felosip grup. Ol isave bung lotu wantaim ol arapela institusen olsem Unitech, Balob, Martin Luther Semineri, na Bumayong Lutheran Secondary skul.
Mr. Tony Pale (LSF President) i tok olsem dispela kain wok em i nambawan taim na i narakain (first of its kind) insait long dispela skul.  Wantaim luksave bilong skul administresen dispela felosip i mekim pinis bikpela wok bilong strongim bilip bilong ol sumatin na ol tisa wantaim family bilong ol insait long skul. Ol ibin holim nambawan Thanksgiving De bilong ol long Sande, de 20 bilong mun March, 2011 long skul basket ball court. Dispela grup felosip igat bikpela tingting long wok strong long strongim bilip na helpim ol sumatin na ol tisa wantaim ol family bilong ol long kamap gutpela na strongpela Kristen manmeri insait long skul. Na taim ol lusim skul na igo ol bai istap strongpela Kristen memba bilong dispela sios.

Comments (0)
Last Updated on Thursday, 14 April 2011 06:14
 

Bible Verse of the Day

 

Download Newsletter

LWF Youth Blog

Asia Lutheran News

               Copyright © 2018 Evangelical Lutheran Church of Papua New Guinea. All Rights Reserved.
               Powered By: Joomla!